เต ธมฺเม ปริปูเรนฺโต ปวนํ ปาวิสี ตทา"ติ.

รมฺมนครวาสิโนปิ โข นครํ ปวิสิตฺวา พุทฺธปฺปมุขสฺส ภิกฺขุสํฆสฺส มหาทานํ อทํสุ. สตฺถา เตสํ ธมฺมํ เทเสตฺวา มหาชนํ สรณาทีสุ ปติฏฺฐาเปตฺวา รมฺมนครมฺหา นิกฺขมิตฺวา ตโต อุทฺธํปิ ยาวตายุกํ ติฏฺฐนฺโต สพฺพํ พุทฺธกิจฺจํ กตฺวา อนุกฺกเมน อนุปาทิเสสาย นิพฺพานธาตุยา ปรินิพฺพายิ. ตตฺถ ยํ วตฺตพฺพํ, ตํ สพฺพํ พุทฺธวํเส วุตฺตนเยเนว เวทิตพฺพํ. วุตฺตํ หิ ตตฺถ:-

"ตทา เต โภชยิตฺวาน สสํฆํ โลกนายกํ

อุปคญฺฉุํ ๒- สรณํ ตสฺส ทีปงฺกรสฺส สตฺถุโน.