ตตฺถ สฏฺฐิหายนนฺติ ชาติยา สฏฺฐิวสฺสกาลสฺมึ หิ กุญฺชรา ถาเมน ปริหายนฺติ สา อหํ เอวํ ถาเมหิ สมฺปนฺนํ อิมํ พฺยสนํ ปตฺตํ ตํ น ชหิสฺสามิ มา ภายิ อิมิสฺสา หิ จตูสุ ทิสาสุ สมุทฺทํ ปตฺวา ฐิตาย จาตุรนฺตาย ปฐวิยา ตฺวํ มยฺหํ สุฏฺฐุ ปิโยติ ฯ

อถ นํ สณฺฐมฺเภตฺวา อยฺย อิทานิ ตํ กุฬีเรน สทฺธึ โถกํ กถาสลฺลาปํ ลภมานา วิสชฺชาเปสฺสามีติ วตฺวา กุฬีรํ ยาจมานา ตติยํ คาถมาห

เย กุฬีรา สมุทฺทสฺมึ คงฺคาย ยมุนาย จ

เตสํ ตฺวํ วาริโช เสฏฺโฐ มุญฺจ โรทนฺติยา ปตินฺติ ฯ