ตสฺส กถํ สุตฺวา วานรา ทุติยํ คาถมาหํสุ

เอวเมว ตุวํ พฺรหฺเม อนญฺญาย วินินฺทสิ

กถํ หิ มูลํ อทิสฺวา รุกฺขํ ชญฺญา ปติฏฺฐิตนฺติ ฯ

ตตฺถ พฺรหฺเมติ อาลปนมตฺตํ ฯ อยํ ปเนตฺถ สงฺเขปตฺโถ ตฺวํ โภ ปุริส ยถา การณาการณํ อชานิตฺวา เอวเมว อมฺเห วินินฺทสิ รุกฺโข นาม คมฺภีเร ปติฏฺฐิโต วา เอส น วาติ มูลํ อนุปฺปาเฏตฺวา กถํ ญาตุํ สกฺกา เตน มยํ อุปฺปาเฏตฺวา มูลปฺปมาเณน อุทกํ อาสิญฺจามาติ ฯ