ตํ สุตฺวา สิคาโล ทุติยํ คาถมาห

เอส ธมฺโม สิคาลานํ ยํ ปิวิตฺวา โอหทามเส

ปิตุปิตามหํ ธมฺโม น ตํ อุชฺฌาตุมรหสีติ ฯ

ตตฺถ เอส ธมฺโมติ เอส สภาโว ฯ ยํ ปิวิตฺวา โอหทามเสติ สมฺม ยํ มยํ ยตฺถ ปานียํ ปิวาม ตเมว อูหทามปิ โอมุตฺเตมปิ เอส อมฺหากํ สิคาลานํ ธมฺโมติ ทสฺเสติ ฯ ปิตุปิตามหนฺติ ปิตูนญฺจ ปิตามหานญฺจ โน เอส ธมฺโม ฯ น ตํ อุชฺฌาตุมรหสีติ ตํ เอตํ อมฺหากํ ปเวณิยา อาคตํ ธมฺมํ สภาวํ ตฺวํ อุชฺฌายิตุํ นารหสิ น ยุตฺตํ โว เอตฺถ กุชฺฌิตุนฺติ ฯ