ตํ สุตฺวา โพธิสตฺโต ตติยํ คาถมาห

ปุนปาปชฺชสี สมฺม สีลํ หิ ตว ตาทิสํ

น หิ มานุสิกา โภคา สุภุญฺชา โหนฺติ ปกฺขินาติ ฯ

ตตฺถ ปุนปาปชฺชสี สมฺมาติ สมฺม วายส ปุนปิ ตฺวํ เอวรูปํ ทุกฺขํ ปฏิลภิสฺสเสว นตฺถิ เอตฺตเกน โมกฺโข กึการณา สีลํ หิ ตว ตาทิสํ ปาปกํ ยสฺมา ตว อาจารสีลํ ตาทิสํ ทุกฺขาธิคมนสฺเสว อนุรูปํ ฯ น หิ มานุสิกาติ มนุสฺสา นาม มหาปุญฺญา ติรจฺฉานคตานํ ตถารูปํ ปุญฺญํ นตฺถิ ตสฺมา มานุสิกา โภคา ติรจฺฉานคเตน ปกฺขินา น ภุญฺชิตพฺพาติ ฯ