สามคฺคิยา ทาฐพเลสุ มุจฺจเรติ ฯ

ตตฺถ นมตฺถุ สงฺฆานนฺติ อยํ มม นมกาโร สมาคตานํ สูกรสงฺฆานํ อตฺถุ ฯ ทิสฺวา สยํ สขฺยํ วทามิ อพฺภุตนฺติ อิทํ ปุพฺเพ อภูตปุพฺพํ อภูตํ สขฺยํ มิตฺตภาวํ สยํ ทิสฺวา วทามิ ฯ พฺยคฺฆํ มิคา ยตฺถ ชินึสุ ทาฐิโนติ ยตฺร หิ นาม ทาฐิโน สูกรา มิคา พฺยคฺฆํ ชินึสุ อยเมว วา ปาโฐ ฯ สามคฺคิยา ทาฐพเลสุ มุจฺจเรติ ยา จ เอสา ทาฐพเลสุ สูกเรสุ สามคฺคี เอกชฺฌาสยตา ตาย เตสุ สามคฺคิยา เต ทาฐพลา ปจฺจามิตฺตํ คเหตฺวา อชฺช มรณภยา มุตฺตาติ อตฺโถ ฯ

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ธนุคฺคหติสฺโส วฑฺฒกิสูกโร อโหสิ รุกฺขเทวตา ปน อหเมวาติ ฯ

วฑฺฒกิสูกรชาตกํ ตติยํ