ตตฺถ ทริยาติ มณิคุหาย ฯ วสามเสติ วสาม ฯ หญฺญามาติ หนิสฺสาม มยมฺปิ วิวณฺณํ กริสฺสาม ฯ อิทญฺจิทานิ ปุจฺฉามาติ อิทานิ มยํ เกน การเณน อยํ มณิ กิลิสิยมาโน โวทายเตติ อิทํ ตํ ปุจฺฉาม ฯ กึ กิจฺจํ อิธ มญฺญสีติ อิมสฺมึ อตฺเถ ตฺวํ อิมํ กิจฺจํ กินฺติ มญฺญสิ ฯ

อถ เนสํ อาจิกฺขนฺโต โพธิสตฺโต ตติยํ คาถมาห

อยํ มณิ เวฬุริโย อกาโจ วิมโล สุโภ

นาสฺส สกฺกา สิรึ หนฺตุํ อปกฺกมถ สูกราติ ฯ