ตตฺถ ทกฺขิณนฺติ อิมสฺมึ ฐาเน ปตฺติทานํ ทกฺขิณํ นาม ชาตํ ฯ กตํ อปจิตึ ตยาติ ตํ ตยา มยฺหํ กตํ อปจิตึ สรนฺติยา มยา อิทํ ตว ธนํ รกฺขิตนฺติ อตฺโถ ฯ

อิทํ วตฺวา จปน สา นทีเทวตา ตสฺส กนิฏฺเฐน กตํ กูฏกมฺมํ สพฺพํ กเถตฺวา เอโส อิทานิ หทเยน สุสฺสนฺเตน นิปนฺโน ทุฏฺฐจิตฺตสฺส วุฑฺฒิ นาม นตฺถิ อหํ ปน ตว สนฺตกํ มา นสฺสีติ ธนํ เต อาหริตฺวา อทาสึ อิทํ ตว กนิฏฺฐโจรสฺส อทตฺวา สพฺพํ ตฺวญฺเญว คณฺหาหีติ วตฺวา ตติยํ คาถมาห

ปทุฏฺฐจิตฺตสฺส น ผาติ โหติ

น จาปิ นํ เทวตา ปูชยนฺติ