สุเขตฺเต วิย วีชานิ กตํ ตหึ น นสฺสตีติ ฯ

ปุพฺเพ กตกลฺยาโณติ ปฐมตรํ อุปการํ กตฺวา ฐิโต ฯ อกาติ อกริ อยํ โลเก สุทุกฺกรํ นาม อกาสีติ อตฺโถ ฯ ปจฺฉา กยิราติ โส ปจฺฉา อญฺญํ กิญฺจิ คุณํ กโรตุ วา มา วา เตเนว ปฐมํ กเตน คุเณน ฯ อจฺจนฺตํ ปูชนารโหติ สพฺพํ สกฺการํ สมฺมานํ อรหตีติ ฯ

อิทํ ปน สุตฺวา เนว อมจฺจา น ราชปุตฺโต ปุน กิญฺจิ กเถสีติ ฯ

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ปจฺจนฺตคามวาสี อานนฺโท อโหสิ พาราณสีราชา ปน อหเมวาติ ฯ