ตตฺถ ภณฺฑูติ มุณฺฑสีสา หุตฺวา ฯ นนฺตกวาสินีติ ชิณฺณปิโลติกนิวตฺถา ฯ อุจฺฉงฺคหตฺถา ปจินาสีติ อฏวึ ปวิสิตฺวา องฺกุสเกน สาขํ โอนาเมตฺวา โอจิโตจิตํ หตฺเถน คเหตฺวา อุจฺฉงฺเค ปกฺขิปนวเสน อุจฺฉงฺคหตฺถา หุตฺวา ปจินาสิ โอจินาสิ ฯ ตสฺสา เต โกลิยํ ผลนฺติ ตสฺสา ตว เอวํ ปจินนฺติยา ยํ มยํ อิทานิ ขาทาม อิทํ โกลิยํ กุลทตฺติยํ ผลนฺติ อตฺโถ ฯ อุทยฺหเต น รมตีติ อยํ ชมฺมี อิมสฺมึ ราชกุเล วสมานา โลหกุมฺภิยํ ปกฺขิตฺตา วิย ทยฺหติ นาภิรมติ ฯ โภคาติ ราชโภคา อิมํ อลกฺขิกํ วิปฺปชหนฺติ ฯ ยตฺถ โกลํ ปจิสฺสตีติ ยตฺถ คนฺตฺวา ปุน พทรเมว ปจินิตฺวา วิกฺกีณนฺตี ชีวิตํ กปฺเปสฺสติ ตตฺเถว นํ เนถาติ วทติ ฯ

โพธิสตฺโต ฐเปตฺวา มํ อญฺโญ อิเม สมคฺเค กาตุํ น สกฺขิสฺสติ ราชานํ สญฺญาเปตฺวา อิมิสฺสา อนิกฺกฑฺฒนํ กริสฺสามีติ

จินฺเตตฺวา จตุตฺถํ คาถมาห

โหนฺติ เหเต มหาราช อิทฺธิปฺปตฺตาย นาริยา