ตตฺถ อตีตมทฺธานนฺติ อตีเต อทฺธาเน ฯ ขนฺติทีปโนติ อธิวาสนขนฺติสมฺปนฺโน ฯ อเฉทยีติ มาราเปสิ ฯ เอกจฺเจ ปน เถรา โพธิสตฺตสฺส ปุน หตฺถปาทา ฆฏิตาติ วทนฺติ ฯ ตํ อภูตเมว ฯ สมปฺปิโตติ ปติฏฺฐิโต ฯ

สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน โกธโนภิกฺขุ อนาคามิผลํ สมฺปาปุณิ ฯ ตทา กลาปุ กาสิกราชา เทวทตฺโต อโหสิ ฯ เสนาปติ สารีปุตฺโต ฯ ขนฺติวาที ตาปโส ปน อหเมวาติ ฯ

ขนฺติวาทิชาตกํ ตติยํ