ยนฺตํ วสนฺตสมเย กณเวเรสุ ภาณุสุ

สามํ พาหาย ปีเฬสิ สา ตํ อาโรคฺยมพฺรวีติ ฯ

ตตฺถ กณเวเรสูติ กณวีเรสุ ฯ ภาณุสูติ รตฺตรตฺตานํ ปุปฺผานํ ปภาย สมฺปนฺเนสุ ฯ สามนฺติ เอวํนามิกํ ฯ ปีเฬสีติ กิเลสรติยา รมิตุกาโม อาลิงฺคนฺโต วิย ปีเฬสิ ฯ สา ตนฺติ สา สามา อโรคา ตฺวํ ปน สา มตาติ สญฺญาย ภีโต ปลายสิ สา อตฺตโน อาโรคฺยํ อพฺรวิ กเถสิ อาโรเจสีติ อตฺโถ ฯ

โจโร ตํ สุตฺวา นฏํ อุปสงฺกมิตฺวา ตฺวํ สามา ชีวตีติ วทสิ อหมฺปิ น สทฺทหามีติ เตน สทฺธึ สลฺลปนฺโต ทุติยํ คาถมาห