อมฺโภ น กิร สทฺเธยฺยํ ยํ วาโต ปพฺพตํ วเห

ปพฺพตญฺเจ วเห วาโต สพฺพมฺปิ ปฐวึ วเห

ยตฺถ สามา กาลกตา สามํ อาโรคฺยมพฺรวีติ ฯ

ตสฺสตฺโถ อมฺโภ นฏ อิทํ กิร น สทฺธาตพฺพํ ยํ วาโต ติณปณฺณานิ วิย ปพฺพตํ วเหยฺย สเจปิ วาโต ปพฺพตํ วเหยฺย สพฺพมฺปิ ปฐวึ วเหยฺย ยถา เจตํ สทฺทเหยฺยํ ตถา อิทนฺติ ฯ ยตฺถ สามา กาลกตาติ ยา นาม สามา กาลกตา สามํ อาโรคฺยํ ปุจฺฉตีติ ฯ กึการณา อสทฺทเหยฺยํ ๑- ฯ มตา นาม น กสฺสจิ สาสนํ เปเสนฺตีติ ฯ