อฏฺฐธมฺมสโมธานา อภินีหาโร สมิชฺฌตี"ติ ๑- อิเม อฏฺฐ ธมฺเม สโมธาเนตฺวา ทีปงฺกรปาทมูเล กตาภินีหาเรน "หนฺท พุทฺธกเร ธมฺเม วิจินามิ อิโต จิโต"ติ อุสฺสาหํ กตฺวา "วิจินนฺโต ตทาทกฺขึ ปฐมํ ทานปารมินฺ"ติ ทานปารมิตาทโย พุทฺธการกา ธมฺมา ทิฏฺฐา, เต ปูเรนฺโตเยว ยาว เวสฺสนฺตรตฺตภาวา อาคมิ. อาคจฺฉนฺโต จ เย เต กตาภินีหารานํ โพธิสตฺตานํ อานิสํสา สํวณฺณิตา:-

เอวํ สพฺพงฺคสมฺปนฺนา โพธิยา นิยตา นรา

สํสรํ ทีฆมทฺธานํ กปฺปโกฏิสเตหิปิ.

อวีจิมฺหิ นุปฺปชฺชนฺติ ตถา โลกนฺตเรสุ จ