ตตฺถตฺตนิ วตปฺปนฺเถ ๓- วินาภาเว อสํสเย

ภูตํ เสสํ ทยิตพฺพํ จวิตํ อนนุโสจิยนฺติ ๔- ฯ

ตตฺถ พหูนํ วิชฺชตีติ อยํ โภตี อมฺเห ฉฑฺเฑตฺวา อิทานิ อญฺเญสํ พหูนํ มตกสตฺตานํ อนฺตเร วิชฺชติ อตฺถิ อุปลพฺภติ ฯ เตหิ เม กึ ภวิสฺสตีติ เตหิ มตกสตฺเตหิ สทฺธึ วตฺตมานา อิทาเนว สา มยฺหํ กึ ภวิสฺสติ เตหิ วา สตฺเตหิ อติเรกสมฺพนฺธวเสเนว สา มยฺหํ กึ ภวิสฺสติ กา นาม ภวิสฺสติ กึ ภริยา อุทาหุ ภคินีติ ฯ เตหิ เมกนฺติปิ ปาโฐ ฯ เตหิ มตเกหิ สทฺธึ อิทมฺปิ เม กเลวรํ เอกํ ภวิสฺสตีติ อตฺโถ ฯ ตสฺมาติ ยสฺมา เอสา มตา มตเกสุ สมาคตา มยฺหํ น กิญฺจิ โหติ ตสฺมา เอตํ น โสจามิ ฯ ยํ ยํ ตสฺสาติ ยํ ยํ ตสฺส อนุโสจนกสฺส สตฺตสฺส น วิชฺชติ นตฺถิ มตํ นิรุทฺธํ ตํ ตํ สเจ อนุโสเจยฺยาติ อตฺโถ ฯ

๒ ยาว ปาติ นิมิสติ ฯ ยาวุมฺมิติ นิมิสฺสติ ฯ ๓ วตพฺพทฺเธ ฯ