ทาเนน เม สโม นตฺถิ เอสา เม ทานปารมี"ติ. ๑- เอวํ อตฺตปริจฺจาคํ กโรนฺตสฺส ทานปารมิตา ปรมตฺถปารมี นาม ชาตา.

ตถา สีลวราชกาเล จมฺเปยฺยนาคราชกาเล ภูริทตฺตนาคราชกาเล ฉทฺทนฺตนาคราชกาเล ชยทฺทิสราชปุตฺตกาเล อลีนสตฺตุกุมารกาเลติ สีลปารมิตาย ปูริตตฺตภาวานํ ปริมาณํ นาม นตฺถิ. เอกนฺเตน ปนสฺส สงฺขปาลชาตเก:-

"สูเลหิ วิชฺฌิยนฺเตปิ โกฏฺฏิยนฺเตปิ สตฺติภิ ๒-

โภชปุตฺเต น กุปฺปามิ เอสา เม สีลปารมี"ติ. ๓- เอวํ อตฺตปริจฺจาคํ กโรนฺตสฺส สีลาปารมิตา ปรมตฺถปารมี นาม ชาตา.