สพฺเพ อมิตฺเต อาเทติ สุปณฺโณ อุรคมฺมิวาติ ฯ

ตตฺถ กาเล อสมฺปตฺเตติ อตฺตโน วจนกาเล อสมฺปตฺเต ฯ อติเวลนฺติ เวลาติกฺกนฺตํ กตฺวา อติเรกปฺปมาณํ ภาสติ ฯ หลาหลมฺมิวาติ หลาหลํ อิว ฯ นิกฺกเฒติ ตสฺมึเยว ขเณ อปฺปตฺเต ๒- กาเล ฯ ตสฺมาติ ยสฺมา สุนิสิตสตฺถหลาหลวิสโตปิ ขิปฺปตรํ ทุพฺภาสิตวจนเมว ปาเตติ ตสฺมา ฯ กาเล อกาเล จาติ วตฺตุํ ยุตฺตํ กาเล จ อกาเล จ วาจํ รกฺเขเถว อติเวลํ น ภาเสยฺย อปิ อตฺตนา

๒ อปฺปมตฺตเก ฯ สเม นินฺนานากรเณปิ ปุคฺคเลติ อตฺโถ ฯ มติปุพฺโพติ มตึ ปุเรจาริกํ กตฺวา กถเนน มติปุพฺโพ ฯ วิจกฺขโณติ ญาเณน วิจาเรตฺวา อตฺถวินฺทนปุคฺคโล วิจกฺขโณ นาม ฯ อุรคมฺมิวาติ อุรคํ อิว ฯ อิทํ วุตฺตํ โหติ ยถา สุปณฺโณ สมุทฺทํ โขเภตฺวา มหาโภคํ อุรคํ อาเทติ คณฺหาติ อาทิยิตฺวา จ ตํขณญฺเญว นํ สิมฺพลึ อาโรเปตฺวา มํสํ ขาทติ เอวเมว โย มติปุพฺพงฺคโม วิจกฺขโณ วตฺตุํ ยุตฺตกาเล มิตํ ภาสติ โส สพฺเพ อมิตฺเต อาเทติ คณฺหาติ อตฺตโน วเส วตฺเตตีติ ฯ

ราชา โพธิสตฺตสฺส ธมฺมเทสนํ สุตฺวา ตโต ปฏฺฐาย มิตภาณี อโหสิ ฯ ยสญฺจสฺส วฑฺเฒตฺวา มหนฺตตรํ อทาสิ ฯ