ตสฺสตฺโถ อปฺเปน ติเณน พหุธนํ อิจฺฉตา เอวํ เอตํ กตฺตพฺพํ โหติ ยทิทํ ปิตุ สนฺตกสฺส ธนสฺส สพฺพํ อาทานํ อคยฺหุปกสฺส ติณสฺส จ อนาทานํ อิติ มหาราช โส พฺรหาฉตฺโต คเหตพฺพยุตฺตกํ อตฺตโน ปิตุ สนฺตกํ ธนํ คเหตฺวา อคฺคเหตพฺพยุตฺตกํ ติณํ จาฏีสุ ปกฺขิปิตฺวา คโต ตตฺถ กา ปริเทวนาติ ฯ

ตํ สุตฺวา ราชา จตุตฺถํ คาถมาห

สีลวนฺโต น กุพฺพนฺติ พาโล สีลานิ กุพฺพติ

อนิจฺจสีลํ ทุสฺสีลฺยํ กึ ปณฺฑิจฺจํ กริสฺสตีติ ฯ