ยทิ เหสฺสติ ทสฺสาม อสนฺเต กึ ททามฺหเส

เอวํ ภูตาปิ ทสฺสาม มา ทานํ ปมทามฺหเสติ ฯ

ตตฺถ อนริยนฺติ ลามกํ ปาปกมฺมํ ฯ อริเยนาติ ปริสุทฺธาจาเรน อริเยน ฯ สุทุคฺคเตนาปีติ สุทลิทฺเทนาปิ ฯ อกิจฺจมาหูติ อกตฺตพฺพนฺติ พุทฺธาทโย อริยา วทนฺติ ฯ ตฺวํ ปน มํ อนริยมคฺคํ อาโรเจสีติ อธิปฺปาโย ฯ โวติ นิปาตมตฺตํ ฯ ยํ โภคเหตุนฺติ ยสฺส ธนสฺส ปริภุญฺชนเหตุ มยํ ทานสทฺธํ วิชเหมุ ปริจฺจเชยฺยาม ตํ ธนเมว มา อหุ น โน เตน ธเนน อตฺโถติ ทีเปติ ฯ รโถติ ยํ กิญฺจิ ยานํ ฯ อิทํ วุตฺตํ โหติ เยน มคฺเคน เอโก รโถ ยาติ อญฺโญปิ รโถ รถสฺส คตมคฺโค เอโสติ เตน มคฺเคน ยาติ ฯ โปราณํ นิหตํ วตฺตนฺติ ยํ มยา ปุพฺเพเยว นิหตํ วตฺตํ ตํ มยิ ธรนฺเต วตฺตตุเยว มา ติฏฺฐตูติ อตฺโถ ฯ เอวํ ภูตาปีติ เอวํ ติณหารกภูตาปิ มยํ ยาว ชีวาม ตาว ทสฺสามเยว ฯ กึการณา ฯ มา ทานํ ปมทามฺหเสติ อททนฺโต

๒ วฑฺฒตญฺเญว ฯ หิ ทานํ ปมชฺชติ นาม น สรติ น สลฺลกฺเขติ อหํ ปน ชีวมาโน ทานํ ปมฺมุสิตุํ น อิจฺฉามิ ตสฺมา ทสฺสามิเยวาติ ทีเปติ ฯ