ตตฺถ อิทานิ โข มํ ภายตีติ อยํ นิโคฺรโธ ตรุณกาเล โตเสตฺวา อิทานิ มํ ภายาเปติ สนฺตาเสติ ฯ มหาเนรุนิทสฺสนนฺติ สิเนรุปพฺพตสทิสํ มหนฺตํ หํสราชสฺส วจนํ สุตฺวา อชานิตฺวา ตรุณกาเลเยว เอตสฺส อนุทฺธฏตฺตา ฯ มหา เม ภยามาคตนฺติ อิทานิ มยฺหํ มหนฺตํ ภยํ อาคตนฺติ ปริเทวิ ฯ

นิโคฺรโธปิ วฑฺฒนฺโต สพฺพํ ปลาสํ ภญฺชิตฺวา ขาณุกมตฺตเมว อกาสิ ฯ เทวตาย วิมานํ สพฺพํ อนฺตรธายิ ฯ

น ตสฺส วุฑฺฒิ กุสลปฺปสตฺถา

โย วฑฺฒมาโน ฆสเต ปติฏฺฐํ