ยญฺเจ ตํ อิติ จินฺตี จ ๑- คทฺรโภว นิวตฺตสิ

อุทปาเน มูสิกํ หนฺตฺวา ยวํ ภกฺขิตุมิจฺฉสีติ ทุติยํ คาถํ สชฺฌายนฺโต อคมาสิ ฯ

อยมฺปิ คาถา ยสฺมา ตฺวํ อิติ จินฺตี จ อิโตจิโตจ ปหรโณกาสํ โอโลเกนฺโต คทฺรโภว นิวตฺตยิ ตสฺมา ตํ ชานามิ ปุริมทิวเส โปกฺขรณิยํ มูสิกาทาสึ หนฺตฺวา อชฺช ยวํ โภชนํ ๒- ภกฺขิตุมิจฺฉสีติ รญฺโญ อชานนฺตสฺเสว อิมมตฺถํ ทีเปติ ฯ

กุมาโร ทิฏฺโฐมฺหิ ปิตราติ อุตฺรสฺโต ปลายิ ฯ โส ปุน อฑฺฒมาสมตฺตํ อติกฺกมิตฺวา ราชานํ ทณฺเฑน ปหริตฺวา มาเรสฺสามีติ เอกํ ทีฆทณฺฑกํ ทณฺฑปฺปหรณํ ๓- คเหตฺวา โอลุมฺพิตฺวา ๔- อฏฺฐาสิ ฯ ราชา อาห