พหุสฺสุโต เนว จเรยฺย ธมฺมํ

สหสฺสเวโทปิ น ตํ ปฏิจฺจ

ทุกฺขา ปมุญฺเจ จรณํ อปตฺวาติ ฯ

ตตฺถ กริตฺวาติ กตฺวา ฯ จรณนฺติ สห สีเลน อฏฺฐ สมาปตฺติโย ฯ อิทํ วุตฺตํ โหติ มหาราช อหํ พหุสฺสุโตมฺหีติ สหสฺสเวโทปิ ติวิธํ สุจริตธมฺมํ น จเรยฺย ปาปาเนว กเรยฺย โส ตานิ ปาปานิ กมฺมานิ กตฺวา ตํ พาหุสจฺจํ ปฏิจฺจ สีลสมาปตฺติสงฺขาตํ จรณํ อปตฺวา ทุกฺขา น มุญฺเจ อปายทุกฺขโต น มุญฺจเตวาติ ฯ