อาสึสเถว โส ปกฺขี อาสึสเถว โส ทิโช ฯ

ตสฺเสวาสา สมิชฺฌตฺถ ตาว ทูรคตา สติ

อาสึเสว ตุวํ ราช อาสา ผลวตี สุขาติ ฯ

ตตฺถ อาสาวตีติ เอวํนามกา สา หิ ยสฺมา ตสฺสา ผเล อาสา อุปฺปชฺชติ ตสฺมา เอตํ นามํ ลภิ ฯ จิตฺตลตาวเนติ เอวํนามเก อุยฺยาเน ตสฺมึ กิร อุยฺยาเน รุกฺขลตาทีนํ ปภา ตตฺถ ปวิฏฺฐปวิฏฺฐานํ เทวานํ สรีรวณฺณํ จิตฺรํ กโรติ เตนสฺส จิตฺตลตาวนนฺติ นามํ ชาตํ ฯ ปยิรุปาสนฺตีติ ปุนปฺปุนํ อุเปนฺติ ฯ อาสึเสวาติ อาสึสาหิเยว ปตฺเถหิเยว มา อาสจฺเฉทกมฺมํ กโรหีติ ฯ