ราชา โพธิสตฺเต กเถนฺเตเยว อตฺตโน กิริยํ สลฺลกฺเขตฺวา กณฺณิกาย อสติยา โคปาณสิโย น ติฏฺฐนฺติ โคปาณสีหิ อสงฺคหิตา กณฺณิกา น ติฏฺฐติ โคปาณสีสุ ภิชฺชนฺตีสุ กณฺณิกา ปตติ เอวเมว อธมฺมิโก ราชา อตฺตโน มิตฺตามจฺเจ จ พลกาเย จ พฺราหฺมณ- คหปติเก จ อสงฺคณฺหนฺโต เตสุ ภิชฺชนฺเตสุ เตหิ อสงฺคหิโต อิสฺสริยา ธํสติ รญฺญา นาม ธมฺมิเกน ภวิตพฺพนฺติ ฯ อถสฺส ตสฺมึ ขเณ ปณฺณาการตฺถาย มาตุลุงฺคํ อาหรึสุ ฯ ราชา สหาย อิมํ มาตุลุงฺคํ ขาทาติ โพธิสตฺตํ อาห ฯ โพธิสตฺโต ตํ คเหตฺวา มหาราช อิมํ ขาทิตุํ อชานนฺตา ติตฺตกํปิ กโรนฺติ อมฺพิลํ ชานนฺตา ปณฺฑิตา ติตฺตกํ หาเรตฺวา อมฺพิลํ อนีหริตฺวา มาตุลุงฺครสํ อนาเสตฺวา ปจฺฉา ขาทนฺตีติ รญฺโญ อิมาย อุปมาย ธนสํหรณุปายํ ทสฺเสนฺโต เทฺว คาถา อภาสิ

ขรตฺตจํ เพลฺลํ ยถาปิ สตฺถวา

อโนมสนฺโตปิ กโรติ ติตฺตกํ

สมาหรํ สาธุกโรติ ปตฺถวา