ตตฺถ กุปิตินฺทฺริโยสีติ จกฺขุนฺทฺริยเมว สนฺธาย กุปิตินฺทฺริโยสีติ อาห ฯ วาริคณาติ อสฺสุพินฺทูนิ ฯ อิงฺฆาติ โจทนตฺเถ นิปาโต ฯ ตํ หิ มหาสตฺโต โจทนฺโต เอวมาห พฺราหฺมณ สตฺตา นาม ทฺวีหิ การเณหิ โสจนฺติ ปริเทวนฺติ สตฺตสงฺขาเรสุ กิสฺมิญฺจิเทว ปิยญาติเก นฏฺเฐ วา กิญฺจิเทว ปิยญาติกํ ปตฺเถตฺวา อลภนฺตา วา ตตฺถ กินฺเต นฏฺฐํ กึ ปน ปตฺถยนฺโต ตฺวํ อิธาคโต อิทํ เม ขิปฺปํ พฺรูหีติ ฯ

อถสฺส อตฺตโน โสกการณํ กเถนฺโต พฺราหฺมโณ ทุติยํ คาถมาห

มิยฺเยถ ภริยา วชโต มมชฺช

อคจฺฉโต มรณมาห ยกฺโข