เทวภูโต มนุสฺโส วา อคฺคปฺปตฺโต ปโมทติ ฯ

เอส เทวมนุสฺสานํ สพฺพกามทโท นิธีติ อาทิคาถา วิตฺถาเรตพฺพา ฯ

อิติ เต อุโภปิ ปุริมกมฺมํ วิตฺถาเรน กเถตฺวา ตโต ปฏฺฐาย จตูสุ นครทฺวาเรสุ นครมชฺเฌ นิเวสนทฺวาเรติ ฉ ทานสาลาโย การาเปตฺวา สกลชมฺพูทีปํ อุนฺนงฺคลํ กโรนฺตา มหาทานํ ปวตฺเตตฺวา สีลํ รกฺขิตฺวา อุโปสถกมฺมํ กาเรตฺวา ชีวิตปริโยสาเน สคฺคปรายนา อเหสุํ ฯ

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา เทวี ราหุลมาตา อโหสิ ราชา ปน อหเมวาติ ฯ