อตฺตานํ รมยิสฺสามิ ทุมสาขานิเกตินีติ ฯ

ตตฺถ ทุมสาขานิเกตินีติ ปุปฺผิตาสุ รุกฺขสาขาสุ กตนิเกตา หุตฺวา ฯ

เอวญฺจ ปน วตฺวา อุกฺกณฺฐิตา มหาราช สา โกกิลา วิสฺสชฺเชหิ นนฺติ อาห ฯ ราชา ตถา กาเรสิ ฯ นิเวสเน ปน เต มหาราช เอโก โปสาวนิยกมิโค อตฺถีติ ฯ อตฺถิ ภนฺเตติ ฯ มหาราช โส เอโก ยูถปติ อตฺตโน มิคึ อนุสฺสริตฺวา กิเลสวเสน อุกฺกณฺฐิโต ปญฺจมํ สทฺทมกาสิ ตโตปิ เต ภยํ นตฺถีติ วตฺวา ปญฺจมํ คาถมาห

โส นูนาหํ อิโต คนฺตฺวา รญฺโญ มุตฺโต นิเวสนา