เอวํ อิมํ ธมฺมเทสนํ ทสฺเสตฺวา จตฺตาริ สจฺจานิ ปกาเสสิ ฯ สจฺจปริโยสาเน โอสฺสฏฺฐวิริโย ภิกฺขุ อคฺคผเล อรหตฺเต ปติฏฺฐาสิ ฯ สตฺถาปิ เทฺว วตฺถูนิ กเถตฺวา อนุสนฺธึ ฆเฏตฺวา ชาตกํ สโมธาเนตฺวา ทสฺเสสิ ตสฺมึ สมเย วิริยํ อโนสฺสชฺชิตฺวา ปาสาณํ ภินฺทิตฺวา มหาชนสฺส อุทกทายโก จูฬุปฏฺฐาโก อยํ โอสฺสฏฺฐวิริโย ภิกฺขุ อโหสิ อวเสสา ปริสา อิทานิ พุทฺธปริสา ชาตา สตฺถวาหเชฏฺฐโก ปน อหเมว อโหสีติ อิมํ ธมฺมเทสนํ นิฏฺฐาเปสิ ฯ

วณฺณุปถชาตกํ ทุติยํ ฯ