อลิกํ ภาสมานสฺส อปกฺกมนฺติ เทวตา

ปูติกญฺจ มุขํ วาติ สกฏฺฐานาว ธํสติ

โย ชานํ ปุจฺฉิโต ปญฺหํ อญฺญถา นํ วิยากเรติ ฯ

ตตฺถ อปกฺกมนฺติ เทวตาติ มหาราช สเจ อลิกํ ภณิสฺสสิ จตฺตาโร เทวปุตฺตา อารกฺขํ ฉฑฺเฑตฺวา อนฺตรธายิสฺสนฺตีติ อธิปฺปาเยเนตํ วทติ ฯ ปูติกญฺจ มุขํ วาตีติ มุขญฺจ เต กาโย จ อุโภ ปูติคนฺธํ วายิสฺสตีติ ตํ สนฺธายาห ฯ สกฏฺฐานาว ธํสตีติ อากาสโต ภสฺสิตฺวา ปฐวึ ปวิสตีติ ทีเปนฺโต เอวมาห ฯ