โส ปสฺส มหาราช ปฐมํ มุสาวาเทเนว เต จตสฺโส อิทฺธิโย อนฺตรหิตา สลฺลกฺเขหิ อิทานิปิ สกฺกา ปฏิปากติกํ กาตุนฺติ วุตฺเตปิ เอวํ วตฺวา ตุมฺเห วญฺเจตุกาโมติ ทุติยมฺปิ มุสาวาทํ ภณิตฺวา ยาว โคปฺผกา ปฐวึ ปาวิสิ ฯ อถ นํ ปุนปิ พฺราหฺมโณ สลฺลกฺเขหิ อิทานิปิ สกฺกา ปากติกํ กาตุํ มหาราชาติ วตฺวา จตุตฺถํ คาถมาห

อกาเล วสฺสตี ตสฺส กาเล ตสฺส น วสฺสติ

โย ชานํ ปุจฺฉิโต ปญฺหํ อญฺญถา นํ วิยากเรติ ฯ

ตตฺถ ตสฺสาติ โย ชานนฺโต ปุจฺฉิตํ ปญฺหํ มุสาวาทํ กตฺวา อญฺญถา พฺยากโรติ ตสฺส รญฺโญ วิชิเต เทโว ยุตฺตกาเล อวสฺสิตฺวา อกาเล วสฺสตีติ อตฺโถ ฯ