คงฺคา กุมุทินี สนฺตา สงฺขวณฺณา จ โกกิลา

ชมฺพุ ตาลผลํ ทชฺชา อถ นูน ตทา สิยาติ ฯ

ตสฺสตฺโถ ภทฺเท ยถา หิ กุมุทสรา กุมุเทหิ สญฺฉนฺนา ติฏฺฐนฺติ ตเถว สเจ สกลาปี มหาคงฺคา กุมุทินี สีฆโสตภาวํ ปหาย สนฺตา อุปสนฺตา สิยา สพฺเพ โกกิลา จ สงฺขวณฺณา ภเวยฺยุํ สพฺโพปิจ ชมฺพุรุกฺโข ตาลผลํ ทเทยฺย ฯ อถ นูน ตทา สียาติ อถ ตาทิเส กาเล อมฺหากมฺปี สมาคโม นูน สิยา ภเวยฺย นามาติ วุตฺตํ โหติ ฯ

เอวญฺจ ปน วตฺวา ปุนปี ตาย เอหิ อยฺย คจฺฉาเมวาติ วุตฺเต คจฺฉิสฺสามาติ วตฺวา กิสฺมึ กาเลติ อสุกสฺมิญฺจ อสุกสฺมิญฺจาติ วตฺวา เสสคาถา อภาสิ