ปุพฺเพว เมตํ อกฺขึสุ มาตา ปิตา จ ภาตโร

ทีฆํ ทุฏฺฐสฺส นงฺคุฏฺฐํ สมฺหิ เวหายสาคตาติ ฯ

ตตฺถ อกฺขึสูติ ปุพฺเพว เม เอตํ มาตา จ ปิตา จ ภาตโร จ อาจิกฺขึสุ ฯ สมฺหีติ สา อหํ ญาตกานํ สนฺติกา ตว นงฺคุฏฺฐสฺส ทีฆภาวํ สุตฺวา ตว นงฺคุฏฺฐํ ปริหรนฺตี เวหายสา อากาเสน อาคตาติ ฯ

อถ นํ โส ชานามิ เต อหํ อากาเสนาคตภาวํ อาคจฺฉนฺตี ปน มยฺหํ ภกฺเข นาเสตฺวา อาคตาสีติ วตฺวา ฉฏฺฐํ คาถมาห