ตตฺถ เย เว สขีนํ สขาโร ภวนฺตีติ เย จ สหายานํ สหายา โหนฺติ ฯ ขีณํ อขีณนฺติ ปณฺฑิตา นาม อตฺตโน สหายโภคปริกฺขเยน ขีณมฺปิ น ชหนฺติ ฯ สตํ ธมฺมมนุสฺสรนฺโตติ ปณฺฑิตานํ ปเวณึ อนุสฺสรมาโน ฯ ญาตี จ เมติ หํสราช อยํ รุกฺโข สมฺปิยายนฏฺเฐน มยฺหํ ญาติ จ สหวณฺณจรณตาย สขา จ ฯ ชีวิกตฺโถติ ตมหํ ชีวิกาย อตฺถิโก หุตฺวา ปหาตุํ น สกฺโกมิ ฯ

สกฺโก ตสฺส กถํ สุตฺวา ตุฏฺโฐ ปสํสิตฺวา วรํ ทาตุกาโม เทฺว คาถา อภาสิ

สาธุ สกฺขิ กตํ โหติ เมตฺติ สํสติ สนฺถโว

สเจตํ ธมฺมํ โรเจสิ ปาสํโสสิ วิชานตํ ฯ