มธุตฺถิโก ติฏฺฐตุ โสภมาโนติ ฯ

ตตฺถ สหาว เต โหตุ อุทุมฺพเรนาติ ตว อุทุมฺพเรน สทฺธึ สห เอกโตว วาโส โหตุ ฯ

เอวญฺจ ปน วตฺวา อตฺตภาวํ วิชหิตฺวา อตฺตโน จ สุชาย จ อานุภาวํ ทสฺเสตฺวา คงฺคาโต หตฺเถน อุทกํ คเหตฺวา อุทุมฺพรขาณุกํ ปหริ ฯ ตาวเทว สาขาวิฏปสมฺปนฺโน มธุรผโล รุกฺโข อุฏฺฐหิตฺวา มุณฺฑมณิปพฺพโต วิย วิลาสนฺโต อฏฺฐาสิ ฯ สุวราชา ตํ ทิสฺวา โสมนสฺสปฺปตฺโต สกฺกสฺส ถุตึ กโรนฺโต นวมํ คาถมาห

เอวํ สกฺก สุขี โหหิ สห สพฺเพหิ ญาติภิ