เทว ปุพฺเพ อิมิสฺสา จ พาราณสิยา ทฺวารคาเม เอโก กุมฺภกาโร ภาชนตฺถาย มตฺติกํ อาหรนฺโต เอกสฺมิญฺเญว ฐาเน นิพทฺธํ คณฺหิตฺวา อนฺโตปพฺภารํ มหนฺตํ อาวาฏํ ขณิ ฯ อเถกทิวสํ ตสฺส มตฺติกํ คณฺหนฺตสฺส อกาลมหาเมโฆ อุฏฺฐหิตฺวา มหาวุฏฺฐึ ปาเตสิ ฯ อุทกํ อวตฺถรมานํ อาวาฏํ ปาเตสิ ฯ เตนสฺส มตฺถโก ภิชฺชิ ฯ โส ปริเทวนฺโต คาถมาห

ยตฺถ วีชานิ รูหนฺติ สตฺตา ยตฺถ ปติฏฺฐิตา

สา เม สีสํ นิปฺปีเฬติ ชาตํ สรณโต ภยนฺติ ฯ

ตตฺถ นิปฺปีเฬตีติ นิปติตฺวา ปีเฬติ ภินฺทติ ฯ