คิมฺหานํ ปจฺฉิเม มาเส วาตมิจฺฉนฺติ ปณฺฑิตา

โส เม ภญฺชติ คตฺตานิ ชาตํ สรณโต ภยนฺติ ฯ

อิติ มหาราช สรณโต ภยํ อุปฺปนฺนํ ชาเนตํ การณนฺติ ฯ ตาต โจรเมว เทหีติ ฯ โส ตสฺส สญฺญาปนตฺถํ อปรมฺปิ อุทาหรณํ อาหริ

มหาราช อตีเต หิมวนฺตปฺปเทเส สาขาวิฏปสมฺปนฺโน มหารุกฺโข อโหสิ อเนกสหสฺสานํ สกุณานํ นิวาโส ฯ ตสฺส เทฺว สาขา อญฺญมญฺญํ ฆฏฺเฏสุํ ฯ ตโต ธูโม อุปฺปชฺชิ อคฺคิจุณฺณานิ ปตึสุ ฯ ตํ ทิสฺวา สกุณเชฏฺฐโก คาถมาห