ตสฺส มูลํ คเวสิสฺสํ เฉชฺชํ ราคํ สพนฺธนนฺติ ฯ

ตสฺสตฺโถ มหาราช ยํ เอตํ มยา จนฺทวติยา โลภํ อุปฺปาเทตฺวา เตน โลเภน ปกตํ กามเหตุกํ ปาปํ กตํ กฏุกํ ติขิณวิปากํ ตสฺสาหํ อโยนิโสมนสิการสงฺขาตํ มูลํ คเวสิสฺสํ อลํ เม อิมินา ขคฺเคน ปญฺญาขคฺคํ นีหริตฺวา สุภนิมิตฺตพนฺธเนน สทฺธึ สพนฺธนํ ราคํ ฉินฺทิสฺสามีติ ฯ

อถ นํ ราชา มา ภายิ สมฺม อิทานิ เต จนฺทวตี- กุมาริกญฺจ สตฺตรตนราสิญฺจ ทสฺสามิ ยชาหิ ยญฺญนฺติ อาห ฯ ตํ สุตฺวา กสฺสโป น เม มหาราช อิมินา กิเลเสน อตฺโถติ วตฺวา โอสานคาถมาห

ธิรตฺถุ กาเม สุพหูปิ โลเก