ตตฺถ กาสายวตฺเถติ สุวณฺณวณฺเณ กาสายวตฺเถ วิย ฯ ทุเว ทฺเวติ เทฺว เทฺว หุตฺวา ฯ นนฺทมเนติ ตุฏฺฐจิตฺเต ฯ กํ อณฺฑชํ อณฺฑชา มานุเสสุ ชาตึ ปสํสนฺตีติ อมฺโภ อณฺฑชา ตุมฺเห มานุเสสุ ปสํสนฺตา กํ อณฺฑชํ กตรํ นาม อณฺฑชนฺติ วตฺวา ปสํสนฺติ กํ สกุณา นามาติ วตฺวา ตุมฺเห มนุสฺสานํ อนฺตเร วณฺณนฺตีติ อตฺโถ ฯ กํ อณฺฑชํ อณฺฑชมานุเสสูติปิ ปาโฐ ฯ ตสฺสตฺโถ ตุมฺเห อณฺฑเชสุ จ มนุสฺเสสุ จ กตรํ อณฺฑชนฺติ วตฺวา ปสํสนฺตีติ ฯ

ตํ สุตฺวา จกฺกวาโก ทุติยํ คาถมาห

อมฺเห มนุสฺเสสุ มนุสฺสหึส

อนุพฺพเต จกฺกวาเก วทนฺติ