ตตฺถ ทฬฺหปาการนฺติ ถิรปาการํ ฯ ทฬฺหโตรณนฺติปิ ปาโฐ ฯ ถิรทฺวารนฺติ อตฺโถ ฯ โอรุทฺธปฏิรุทฺโธสฺมีติ อนฺโต กตฺวา สมนฺตา ปากาเรน รุทฺโธ ปลายนฐานํ น ปญฺญายติ ฯ กึ ปาปํ ปกตนฺติ กินฺนุ โข มยา ปาปกมฺมํ ปกตํ ฯ อปิหิตาติ ถกิตา ฯ ยถา ทิโชติ ปญฺชรปกฺขิตฺโต สกุโณ วิย ฯ กิมาทิกรณนฺติ กึ อธิกรณํ กึ การณํ ฯ จกฺกาภินิหโตติ จกฺเกน อภินิหโต ฯ

อถสฺส เทวราชา การณํ กเถตุํ ฉ คาถา อภาสิ

ลทฺธา สตสหสฺสานิ อติเรกานิ วีสติ

อนุกมฺปกานํ ญาตีนํ วจนํ สมฺม นากริ ฯ