ตตฺถ สุขมาสึสมาโนติ เอตาทิสํ ยกฺขํ ทิสฺวา อตฺตโน สุขํ อาสึสนฺโต ปณฺฑิโต ปุริโส อมฺหากํ สุขํ ภวิสฺสติ น ภวิสฺสตีติ ปุจฺเฉยฺย ฯ อุฏฺเฐหีติ อุทกโต อุฏฺฐหนฺตาการํ ทสฺเสนฺโต อุฏฺเฐหิ ฯ ปญฺชลิกาภิปุจฺฉาติ ปญฺชลิโก หุตฺวา อภิปุจฺฉ ฯ อุท มานุสีติ อุทาหุ มหิทฺธิกา มานุสี ตฺวนฺติ ฯ

โพธิสตฺโต ยุตฺตํ กเถตีติ ตํ ปุจฺฉนฺโต จตุตฺถํ คาถมาห

ยํ ตฺวํ สุเขนาภิสเมกฺขเส มํ

ภุญฺชสฺสุ ภตฺตํ อิติ มํ วเทสิ