ตตฺถ อิธาติ อิมสฺมึ สมุทฺเท ฯ นานาวิวิธานีติ พหูนิ จ อเนกปฺปการานิ จ หตฺถิยานอสฺสยานาทีนิ อตฺถิ ฯ สพฺพสฺส ตฺยาหนฺติ ตสฺส อนฺนปานาทิโน สพฺพสฺส สามิกํ กตฺวา ตนฺเต อนฺนปานาทึ ปฏิปาทยามิ ททามิ ฯ ยํกิญฺจีติ อญฺญมฺปิ ยํกิญฺจิ ตว มนสา อิจฺฉิตํ ตํ สพฺพํ เต ทมฺมีติ ฯ

ตํ สุตฺวา มหาสตฺโต อยํ เทวตา สมุทฺทปิฏฺเฐ มยฺหํ อิทญฺจิทญฺจ ทมฺมีติ วทติ กึ นุ โข เอสา มยา กเตน ปุญฺญกมฺเมน ทาตุกามา อุทาหุ อตฺตโน พเลน ปุจฺฉิสฺสามิ ตาว นนฺติ จินฺเตตฺวา ปุจฺฉนฺโต สตฺตมํ คาถมาห

ยํกิญฺจิ ยิฏฺฐญฺจ หุตญฺจ มยฺหํ

สพฺพสฺส โน อิสฺสรา ตฺวํ สุคตฺเต