สุกฺเขตฺเต วิย พีชานิ กตํ ตมฺหิ น นสฺสตีติ ฯ

ตตฺถ สํสตีติ อาจิกฺขติ ฯ กฑฺฒนํ กตนฺติ อากฑฺฒนวิกฑฺฒน- โปถนโกฏนสงฺขาตํ กฑฺฒนํ กตนฺติ อตฺโถ ฯ สขีนํ สาชีวงฺกโรติ สมฺม โปติก ตฺวํ สหายกานํ สุอาชีวงฺกโร ชีวิกาย อุปฺปาเทตา ฯ มม สาขสฺส จูภยนฺติ มยฺหญฺจ สาขสฺส จ อุภินฺนํ สขีนนฺติ อตฺโถ ฯ ตฺวํ โนปิสฺสริยนฺติ ตฺวํ โน อปิ อิสฺสริยํ ทาตา ตว สนฺติกา อิมํ อมฺเหหิ ลทฺธํ ฯ มหคฺคตนฺติ มหนฺตภาวํ ฯ

เอวํ ปน เอตฺตกํ กถํ กเถนฺเต นิโคฺรเธ สาโข ตตฺเถว อฏฺฐาสิ ฯ อถ นํ ราชา สาข อิมํ โปติกํ สญฺชานาสีติ ปุจฺฉิ ฯ โส ตุณฺหี อโหสิ ฯ อถสฺส ราชทณฺฑํ อาณาเปนฺโต อฏฺฐมํ คาถมาห

อิมญฺจ ชมฺมํ เนกติกํ อสปฺปุริสจินฺติตํ