อปฺปสฺมา ทกฺขิณา ทินฺนา สหสฺเสน สมํ มิตาติ ฯ

ตตฺถ อปฺปมฺเปเก ปเวจฺฉนฺตีติ มหาเสฏฺฐิ เอกจฺเจ ปณฺฑิต- ปุริสา อปฺปมฺปิ เทยฺยธมฺมํ ปเวจฺฉนฺติ ททนฺติเยวาติ อตฺโถ ฯ พหุนาติ พหุนาปิ เทยฺยธมฺเมน สมนฺนาคตา เอเก สตฺตา น ทิจฺฉเร น ททนฺติ ฯ ทกฺขิณาติ กมฺมญฺจ ผลญฺจ สทฺทหิตฺวา ทินฺนํ ทานํ ฯ สหสเสน สมํ มิตาติ เอวํ ทินฺนา กฏจฺฉุภตฺตมตฺตาปิ ทกฺขิณา สหสฺสทาเนน สทฺธึ มิตา มหาผลตฺตา สหสฺสทาน- สทิสํเยว โหตีติ ฯ

ตํปิ โส เตนหิ ปวิสิตฺวา นิสีทาติ อาห ฯ ตโต โถกํ วีตินาเมตฺวา ปญฺจสิโข อาคนฺตฺวา ภตฺตํ ยาจิตฺวา นตฺถิ คจฺฉาติ วุตฺเต อหํ น คตปุพฺโพ อิมสฺมึ เคเห พฺราหฺมณวาจกํ ภวิสฺสติ มญฺเญติ ตสฺส ธมฺมกถํ อารภนฺโต อฏฺฐมํ คาถมาห

ธมฺมญฺจเร โยปิ สมุจฺฉกํ จเร