ตตฺถ ญาตีติ กนิฏฺฐํ อาลปนฺโต อาห ฯ อิทํ วุตฺตํ โหติ ตาต มยฺหํ ปิยญาติ โส ตฺวํ นูน อติมธุรํ อตฺตโน ชีวิตํ วิชหิสฺสสิ โย อปตฺเถตพฺพํ ปตฺเถสีติ ฯ

ฆตปณฺฑิโต รญฺโญ วจนํ สุตฺวา นิจฺจโล ฐตฺวา ภาติก ตฺวํ จนฺทโต สสกํ ปตฺเถนฺตสฺส ตํ อลภิตฺวา ชีวิตกฺขยภาวํ ชานนฺโต กึการณา มตปุตฺตํ อนุโสจสีติ วตฺวา อฏฺฐมํ คาถมาห

เอวํ เจ กณฺห ชานาสิ ยทญฺญมนุสาสสิ

กสฺมา ปุเร มตํ ปุตฺตํ อชฺชาปิ อนุโสจสีติ ฯ