จิรํ ชีวตุ โส ราชา กาสีนํ รฏฺฐวฑฺฒโน

โย เม ปุตฺตํ ปโมเจสิ สทา วุฑฺฒาปจายิกนฺติ ฯ

ตทา ราชา โพธิสตฺตสฺส คุเณ ปสีทิตฺวา นิลีนิยา อวิทูเร คามํ มาเปตฺวา โพธิสตฺตสฺส มาตุยา จ นิวทฺธํ ภตฺตํ ปฏฺฐเปสิ ฯ อปรภาเค โพธิสตฺโต มาตริ กาลกตาย ตสฺสา สรีรปริหารํ กตฺวา กรณฺฑกํ อสฺสมปทํนาม คโต ฯ ตสฺมึ ปน ฐาเน หิมวนฺตโต โอตริตฺวา ปญฺจสตา อิสโย วสึสุ ฯ ตํ ปวตฺตํ เตสํ อทาสิ ฯ ราชา โพธิสตฺตสฺส สมานรูปสิลาปฏิมํ กาเรตฺวา มหาสกฺการํ ปวตฺเตสิ ฯ ชมฺพูทีปวาสิโน อนุสํวจฺฉรํ สนฺนิปติตฺวา หตฺถิมหนฺนาม กรึสุ ฯ

สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ (สจฺจปริโยสาเน มาตุโปสกภิกฺขุ โสตาปตฺติผเล ปติฏฺฐหิ ฯ) ตทา ราชา อานนฺโท อโหสิ ฯ ปาปปุริโส เทวทตฺโต อโหสิ ฯ หตฺถาจริโย สารีปุตฺโต อโหสิ สา หตฺถินี มหามายา มาตุโปสกนาโค ปน อหเมว สมฺมาสมฺพุทฺโธติ ฯ