ตสฺสตฺโถ โภ ปุริส ตฺวํ ชโฬ นโร หิ นาม นารึ กิเลสรติการณา ธเนน นิชฺฌาปยํ นิชฺฌาเปนฺโต สญฺญาเปนฺโต ยตฺถ นาริยา ฉนฺทํ กโรติ ตํ อุกฺกํสติ วณฺเณตฺวา โถเมตฺวา พหุตเรน ธเนน ปโลเภติ ตุยฺหํ ปเนโส เทวสภาโว วิปจฺจนิโก ตฺวํ หิ มยา ปจฺจกฺขโต โถกตเรน เอสิ ปฐมทิวเส สุวณฺณปูรํ สุวณฺณปาตึ อาหริตฺวา ทุติยทิวเส สุวณฺณปูรํ รชฏปาตึ ตติยทิวเส กหาปณปูรํ โลหปาตึ อาหรสีติ ฯ

ตํ สุตฺวา สกฺโก ภทฺเท ราชกุมาริ อหํ เฉกวาณิโช นิรตฺถเกน อตฺถํ น นาเสมิ สเจ ตฺวํ อายุนา วา วณฺเณน วา วฑฺเฒยฺยาสิ อหํ เต ปณฺณาการํ วฑฺเฒตฺวา อาหเรยฺยํ ตฺวํ ปน ปริหาเปเสว เตนาหํปิ ธนํ ปริหาเปมีติ วตฺวา ติสฺโส คาถา อภาสิ

อายุ จ วณฺโณ จ มนุสฺสโลเก

นิหิยฺยติ มนุชานํ สุคตฺเต