อุสฺสาโวว ติณคฺคมฺหิ สุริยสฺสุคฺคมนํ ปติ

เอวมายุมนุสฺสานํ มา มํ อมฺม นิวารเยติ ฯ

ตสฺสตฺโถ อมฺม ยถา ติณคฺเค อุสฺสาววินฺทุ สุริยสฺส อุคฺคมนํ ปติ ฐาตุํ น สกฺโกติ ปฐวิยํ ปตติ เอวํ อิเมสํ สตฺตานํ ชีวิตํ ปริตฺตํ ตาวกาลิกํ อจิรฏฺฐิติกํ เอวรูเป โลกสนฺนิวาเส กถํ ตฺวํ มํ จิรํ ปสฺสสิ มา มํ นิวาเรหีติ ฯ

เอวํ วุตฺเตปิ สา ปุนปฺปุนํ ยาจิเยว ฯ ตโต มหาสตฺโต ปิตรํ อามนฺเตนฺโต อฏฺฐมํ คาถมาห