สตฺถา น ภิกฺขเว อิทาเนวาหํ เถริยา จ กุมารกสฺสปสฺส จ อวสฺสโย ชาโต ปุพฺเพปิ อวสฺสโยเยวาติ อิมญฺจ ธมฺมเทสนํ อาหริตฺวา จตุสฺสจฺจเทสนํ วินิวฏฺเฏตฺวา เทฺว วตฺถูนิ กเถตฺวา อนุสนฺธึ ฆเฏตฺวา ชาตกํ สโมธาเนสิ ตทา สาขมิโค เทวทตฺโต อโหสิ ปริสาปิสฺส เทวทตฺตปริสาว มิคเธนุ เถรี อโหสิ ปุตฺโต กุมารกสฺสโป ราชา อานนฺโท นิโคฺรธมิคราชา ปน อหเมว อโหสีติ ฯ

นิโคฺรธชาตกํ ทุติยํ ฯ