ตํ สุตฺวา มหาสตฺโต เอกาทสมํ คาถมาห

น เม อตฺโถ สหสฺเสหิ สเตหิ นหุเตหิ จ

ปจฺฉิมํ ภาสโต คาถํ กาเม เม นิรโต มโนติ ฯ ตตฺถ ปจฺฉิมนฺติ รถกาโรว จมฺมสฺสาติ คาถํ ฯ กาเม เม นิรโต มโนติ อิมํ คาถํ ภาสมานสฺเสว วตฺถุกาเมปิ กิเลสกาเมปิ มโน นาภิรมิ อหํ หิ อิมํ คาถํ ภาสมาโน อตฺตโนว ธมฺมเทสนาย ฌานํ นิพฺพตฺเตสึ มหาราชาติ ฯ

ราชา ภิยฺโยโส มตฺตาย ตุสิตฺวา มหาสตฺตํ วณฺเณนฺโต โอสานคาถมาห