กณฺโห กณฺโห จ โฆโร จ สุกฺกทาโฒ ปตาปวา

พนฺโธ ปญฺจหิ รชฺชูหิ กึ วีร สุนโข ตวาติ ฯ

ตตฺถ กณฺโห กณฺโหติ ภยวเสน ทฬฺหีกมฺมวเสน วา อาเมณฺฑิตํ ฯ โฆโรติ ปสฺสนฺตานํ ภยชนโก ฯ ปตาปวาติ ทาเฒหิ นิกฺขนฺเตน รํสิปตาเปน ปตาปวา ฯ กึ วีราติ วิริยวนฺต ตเวส เอวรูโป กกฺขโล สุนโข กึ กโรติ กึ มิเค คณฺหาติ อุทาหุ เต อมิตฺเต กินฺเต อิมินา วิสชฺเชหิ นนฺติ อธิปฺปาเยเนวมาห ฯ

ตํ สุตฺวา สกฺโก ทุติยํ คาถมาห